കോളേജിലെ ആദ്യ ദിവസമാണ് തന്റെ വീടിനടുത്ത് നിന്നും കോളേജ് ബസ് സര്‍വീസ് ഉണ്ടെന്ന വസ്തുത അന്തപ്പന് മനസ്സിലാക്കുന്നത്‌. ഈ ആദ്യ ദിവസം എന്നത് അന്തപ്പന്റെ വിദ്യാര്‍ത്ഥി ജീവിതത്തിന്റെ അല്ല, മറിച്ചു വൃത്തിയുള്ള അദ്ധ്യാപനവൃത്തിയുടെതാണ് എന്ന് സദയം വായനക്കാരെ അറിയിച്ചുകൊള്ളട്ടെ! അന്തപ്പന് പഠിപ്പിക്കേണ്ടിയിരുന്ന ഒന്നാം വര്‍ഷ വാനരര്‍ ഒരാഴ്ച നീണ്ടു നില്‍ക്കുന്ന 'സന്നാഹവത്ക്കരണ'ത്തില്‍ പങ്കെടുക്കുന്നതിനാല്‍ ക്ലാസ്സില്‍ വന്നു തുടങ്ങിയിട്ടില്ല. അതിനാല്‍ സ്റ്റാഫ് റൂമില്‍ കുത്തിയിരുന്നു അസാരം കോട്ടുവായിട്ടു; ചുവന്ന മഷിപ്പേന കൊണ്ട് നിര്‍ദ്ദോഷം പുറവും ചൊറിഞ്ഞു. പ്രസ്തുത ദിനം പ്രത്യേകിച്ച് വര്‍ത്തമാനങ്ങള്‍ ഒന്നുമില്ലാതെ കടന്നു പോയി. പക്ഷെ, ഗവ: കോളെജു മാത്രം കണ്ടു ശീലിച്ച അന്തപ്പന് സ്വകാര്യ എഞ്ചിനിയറിംഗ് കോളേജ് എന്ന കിഷ്കിന്ധാപുരി പ്രഥമദൃഷ്ട്യാ തന്നെ തെല്ലൊരു വിമ്മിട്ടം ഉണ്ടാക്കി എന്ന് പറയാതെ തരമില്ല! രണ്ടാം ദിനം. കുളിച്ചൊരുങ്ങി തന്റെ പ്രിയപ്പെട്ട രണ്ടു വള്ളി സഞ്ചിയും (ബാക്ക് പായ്ക്ക്) തോളില്‍ തൂക്കി അന്തപ്പന് ബസ് സ്റൊപ്പിലേക്ക് നടന്നു. യുണിഫോം വാങ്ങിയിട്ടില്ല; ഒരാഴ്ച സമയമുണ്ട്. (പ്ലസ്‌ടു പഠ