അധ്യായം 3 "യെ നയാ ആദ്മി " രാജകീയ എൻട്രിക്കു പിന്നാലെ തോമസിന്റെ അനൗൺസ്മെൻറ് വന്നു. "അച്ഛാ..." ഗേറ്റ് അടച്ചുകൊണ്ടു ഭടൻ പറഞ്ഞു. ഗേറ്റിലെ മുഴുവൻ സമയ കാവൽക്കാരൻ. പേര് ഇന്ദ്ര ബഹദൂർ . ഇവിടത്തെ പേരൊക്കെ ഇജ്ജാതിയാണ്. കേട്ടാൽ തോന്നും ഗഡി ഏതോ കൊട്ടാരത്തിലെയാണെന്ന്! എന്നാൽ അല്ല! ഗേറ്റിനോട് ചേർന്നുള്ള ഒറ്റമുറിയിലാണ് താമസം. അത്യാവശ്യങ്ങൾക്കു മാത്രം തൻ്റെ പഴയ സൈക്കിളെടുത്തു പുറത്തു സവാരി പോകും. ശകടം കമ്പനി വാഹനമാണ്. ആവശ്യം വന്നാൽ നമുക്കും ഉപയോഗിക്കാം. ഇടതുവശത്തുള്ള ബദാം മരത്തിനപ്പുറത്തെ കമ്പനി ട്രാൻസ്ഫോർമറിന്റെ അരികു പിടിച്ചു ഒരു പയ്യൻ കടന്നുവന്നു- മുർമുർ! ജാർഖണ്ഡ് ആണ് സ്വദേശം. ഒരു പതിനാറു വയസ്സിൽ കൂടില്ല;പക്ഷെ ചോദിച്ചാൽ അന്നും ഇന്നും പതിനെട്ടെന്നേ പറയൂ. ഇല്ലെങ്കിൽ ബാലവേല നിയമപ്രകാരം ചെക്കന്റെ ജോലി തെറിക്കും. ഇട്രാൻസ്ഫോർമേറിനടുത്തുള്ള മുറിയിൽ ആണ് താമസം. വയസ്സൻ ബഹദൂർ പുറത്തുപോയാൽ കമ്പനിയുടെ സെക്യൂരിറ്റി ഇൻ കമാൻഡ്, കിച്ചണിലേക്ക് അവശ്യ വസ്തുക്കൾ വാങ്ങുന്ന പർച്ചെസിങ്ങ് മാനേജർ, അഗ്രികഴ്ച്ചറൽ ഓഫീസർ, അസിസ്റ്റന്റ് ഷെഫ്, തുടങ്ങി, മുർ