കെണിയുടെ വിക്രിയകള്‍ -#3 ------------------------------------------------ കൃഷ്ണേട്ടന്‍ ‘ഹരിത വിപ്ലവം’ തുടങ്ങിയിട്ട് കാലം അധികമായിട്ടില്ല. ഭാര്യാഗൃഹത്തില്‍ നിന്നും കടത്ത് കടന്നു വന്ന അമരവീരനെ, പരീക്ഷണാടിസ്ഥാനത്തില്‍ തൊടിയില്‍ തടമെടുത്തു വിക്ഷേപിച്ചിട്ടു ഇന്നലെയ്ക്കു കഷ്ടി മൂന്ന് മാസം! പടര്‍ന്നു കയറിയ വീരന് പക്ഷെ കഴിഞ്ഞ കുറച്ചു നാളുകളായി കലശലായ വിളര്‍ച്ച, ചെള്ള്, ചിരങ്ങ്, പിത്തം, കഫം! ഞെരമ്പ് പിടിച്ചുനോക്കി അയലത്തെ തോമുട്യാപ്ല പറഞ്ഞത്രേ അറിയിക്കേണ്ടവരെ അറിയിച്ചോളാന്‍ - മണ്ഡരിയാണ് പോലും! നിന്ന നില്‍പ്പില്‍ അമരന്‍ ആപാദചൂടം മഞ്ഞളിച്ചു! ബാല്യത്തിലേ തന്റെ കൃഷിവിള അകാലചരമം പ്രാപിക്കുന്നത് തടയാന്‍ കൃഷ്ണേട്ടന്‍ തന്റെ കൈവശമുള്ള പേരറിയാത്ത എന്തോ കീടനാശിനി വിളമ്പി കീടങ്ങളുടെ ഇമ്മ്യുണിറ്റി മെച്ചപ്പെടുത്തി-അമരനാകട്ടെ, പൂര്‍വ്വാധികം രോഗബാധിതനായും കാണപ്പെട്ടു! ആയിടെ ‘കൃഷിയാപ്പീസ്’ എന്ന ആശ്രമകൂടാരത്തിലെ പാന്റ്സും ഷര്‍ട്ടും ധരിച്ച സിദ്ധന്‍ ഇത്തരം ചികിത്സകള്‍ക്കു കേമനെന്ന കിംവദന്തി കൃഷ്ണേട്ടന്‍റെ ചെവിയിലെത്തി. മണ്ട പോയ തെങ്ങില്‍ നിന്നും കരിക്കിട്ടവനാണത്രേ കേമന്‍! സിദ്ധനെയും കണ്ടു ഭസ്മമോ ചൂര്‍